Xəbərlər

2023-cü il noyabrın 10-da Türkiyə Respublikasının İstanbul şəhərində keçirilmiş İslam Əməkdaşlıq Təşkilatının Gənclər Forumu İcraiyyə Şurasının 11-ci iclasında Azərbaycanın mədəniyyət paytaxtı Şuşa şəhəri yekdilliklə İslam Əməkdaşlıq Təşkilatının “Gənclər Paytaxtı 2024” Beynəlxalq Proqramına 10-cu ev sahibi seçilib.

17 aprel 2024-cü il tarixində Azərbaycan Respublikası Prezidenti İlham Əliyev Şuşa şəhərinin 2024-cü il üçün “İslam Əməkdaşlıq Təşkilatının gənclər paytaxtı” seçilməsi ilə bağlı tədbirlər planı haqqında Sərəncam imzalayıb.

Bununla əlaqədar olaraq Milli Kitabxanada “Şuşa - İslam Əməkdaşlıq Təşkilatının gənclər paytaxtı” adlı kitab sərgisi istifadəçilərə təqdim olunub.

Sərgidə Qarabağın incisi olan Şuşa şəhəri, gənclər siyasəti, İslam Əməkdaşlıq Təşkilatı və Azərbaycan mövzularında Azərbaycan və müxtəlif dillərdə əsərlər nümayiş olunur.