Xəbərlər

Fevral  ayının 27-də Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi ilə müzəffər Azərbaycan ordusu tərəfindən 44 günlük müharibə nəticəsində erməni işğalından azad olunmuş ərazilərimizdə 90-cı illərin əvvəllərinədək fəaliyyət göstərmiş kitabxanaların kitab fondlarının bərpası ilə əlaqədar Azərbaycan Respublikası Mədəniyyət Nazirliyi ilə Milli Kitabxananın birgə keçirdiyi kitabtoplama kampaniyasına AZƏRTAC–Azərbaycan Dövlət İnformasiya Agentliyi də qoşuldu.

AZƏRTAC–Azərbaycan Dövlət İnformasiya Agentliyinin nümayəndələri Mədəniyyət Nazirliyinin və Milli Kitabxananın birgə təşkil etdiyi “İşğaldan azad olunan bölgələrdəki kitabxanaların fondu üçün kitabtoplama kampaniyası”nın dağıdılmış kitabxanaların bərpa edilməsi istiqamətində vacib bir addım olduğunu qeyd etdi və 1829 nüsxə kitab, 595 nüsxə jurnal, 95 qəzet bağlamasını işğaldan azad olunan bölgələrdəki kitabxanaların fonduna hədiyyə etdi.