Xəbərlər

3 aprel tarixində Milli Kitabxanada “Fövqəladə hadisələrin nəticələrinin aradan qaldırılması zamanı mülkü müdafiə orqan və qüvvələrinin idarə edilməsinin təşkili” mövzusunda təlim keçirilib.

Təlimin əsas məqsədi Azərbaycan Milli Kitabxanasının işçilərinin fövqəladə hadisələr zamanı davranış qaydaları üzrə biliklərinin təkmilləşdirilməsi, fövqəladə hallar zamanı təcili və təxirəsalınmaz tədbirlərin görülməsi, nəticələrinin aradan qaldırılması ilə bağlı maarifləndirməkdir.

Təlimdə çıxış edən  Səbail rayonu üzrə fövqəladə hallar və mülki müdafiə şöbəsinin rəisi polkovnik-leytenant Nazir Əkbərov və Azərbaycan Milli Kitabxanasının mülki müdafiə qərərgahının rəisi Vidadi Şirinov baş verə biləcək fövqəladə halların qarşısının alınması və nəticələrinin aradan qaldırılmasının əhəmiyyətindən, bu istiqamətində görülən işlər, qarşılıqlı fəaliyyətin təşkilinin cari vəziyyəti, mövcud problemlər və atılacaq addımlar barədə çıxışlar ediblər.

İnteraktiv müzakirələr fonunda davam edən təlimdə iştirakçılarla qarşılıqlı fikir mübadiləsi aparılıb, suallar cavablandırılıb.