Xəbərlər

Milli Kitabxanada Professor Çingiz Abdullayevin anadan olmasının 65 illik yubileyi münasibətilə “Professor Çingiz Abdullayev - 65” adlı kitab sərgisi açılıb.

Sərgidə müəllifin əsərləri, rəyçi, məsləhətçı olduğu, fəaliyyəti haqqında Azərbaycan və müxtəlif dillərdə ədəbiyyatlar, dövri mətbuatda nəşr olunan məqalələri nümayiş olunur.

Sərgi bir həftə davam edəcək.

Qeyd edək ki, Professor Çingiz Əli oğlu Abdullayev 1 aprel 1960-cı ildə Ağstafa şəhərində ziyalı ailəsində anadan olub.

1977-1982-ci illərdə Azərbaycan Dövlət Neft Akademiyasının mühəndis-mexanik ixtisası üzrə təhsil alıb.

1985-1990-cı illərdə Azərbaycan Dövlət Neft Akademiyasında əyani aspirant, elmi işçi və müəllim işləyib.

1994-cü ildən Alman–Azərbaycan Cəmiyyətinin sədri, 2016-cı ildən Bakı Slavyan Universitetinin Azərbaycan Multikulturalizm kafedrasının professoru, 2019-cu ildən AMEA-nın Memarlıq və İncəsənət İnstitunun nəzdində Müdafiə Şurasının üzvüdür.

Azərbaycan Jurnalistlər və Yazıçılar birliyinin fəxri üzvüdür.

“Almaniya-Azərbaycan əlaqələri” (2000), “Almanlar Cənubi Qafqazda-200” (2017), “Siemens Azərbaycanda” (2017), Qüvvə (2022) və s.  kitabların müəllifidir.